تحریک انصاف کے جلسہ حیران کن تھا: غیر ملکی میڈیا

مغربی اور امریکی میڈیا نے پاکستان تحریک انصاف کے جلسےکو حیران کن شو قرار دیتے ہوئےکہا ہے کہ اس سے حکومت مخالف تحریک میں تیزی آسکتی ہے جبکہ عمران کی بڑھتی ہوئی مقبولیت کو امریکا کے لئے باعث تشویش قرار دیا ہے۔

امریکی اخبار واشنگٹن پوسٹ کا کہنا ہے عمران خان کے جلسے میں ایک لاکھ کے لگ بھگ لوگ موجود تھے۔ اخبار نے اسے سرپرائز شو قرار دیتے ہوئے کہا ہے کہ حکومت مخالف تحریک میں تیزی آ سکتی ہے۔اخبار نے لکھا ہے عمران خان کی امریکا مخالف اور بدعنوانی کے خلاف باتوں نے انہیں شہری نوجوانوں میں مقبول بنا دیا ہے۔اخبار کے مطابق عمران کی تقریر غیر معمولی نہیں تھی لیکن ان کی سیاستدانوں کو اپنے اثاثے ظاہر کرنے کی بات نئی بات تھی۔اخبار نے لکھا ہے کہ عمران خان نے فوج کے بارے میں کوئی بات نہیں کی کیونکہ عام خیال یہ ہے کہ فوج انکی حمائت کر رہی ہے۔برطانوی اخبار ٹیلیگراف نے لکھا ہے کہ کل کی ریلی سے عمران خان پاکستانی سیاست میں ایک طاقت بن کر ابھرے ہیں۔غیر محفوظ اور معاشی مسائل سے دوچار پاکستان میں عمران خان کے احتساب کی کال کی باز گشت پھیل رہی ہے۔اخبار نے لکھا ہے کہ عمران کی بڑھتی ہوئی مقبولیت امریکا کے لئے تشویش کا باعث ہو سکتی ہے کیونکہ وہ ڈرون حملوں کے خلاف ہیں۔ بھارتی خبر رساں ادارے ،پریس ٹرسٹ آف انڈیا ، نے عمران خان کی ریلی کو کامیاب قرار دیتے ہوئے کہا ہے کہ یہ انکی دو ہزار تیرہ کے انتخابات کی مہم کہی جا سکتی ہے۔عمران خان کی پاکستان تحریک انصاف نے گزشتہ انتخابات کا بائیکاٹ کیا تھا اسلئے اسکی پارلیمنٹ میں ایک بھی نشست نہیں ۔اس سے پہلے کے انتخابات میں بھی تحریک انصاف کو قبل ذکر کامیابی نہیں ملی۔

بلوچستان میں قائم خفیہ کیمپوں میں تربیت حاصل کرنے والا ٹارگٹ کلر گرفتار

کراچی کےائرپورٹ سے گرفتار کیےگئے دلاورحسن نے 10 سے زائد قتل کا اعتراف کرنے کے علاوہ کئی اہم انکشافات کیے ہیں۔
کراچی پولیس کے حکام کے مطابق ملزم کو کراچی ائیر پورٹ سے رواں ماہ گرفتار کیا گیا تھا جس نے دوراں تفتیش ٹارگٹ کلنگ کے متعدد واقعات میں ملوث ہونے کے ساتھ 10 سے زائد افراد کو قتل کرنے کا بھی اعتراف کیا ہے۔
ملزم نے دوراں تفتیش پولیس کو بتایا کہ وہ اپریل 2011ء میں سکھر سے کوئٹہ پہنچا تھا جہاں قائم خفیہ کیمپوں میں اسے اسلحہ و گولا بارود چلانے کی تربیت فراہم کی گئی ۔
دلاور حسن نے بتایا کہ تربیتی مراحل سے گزرنے کے بعد وہ کارروائیوں میں حصہ لینے کے لیے کراچی آیا جہاں اس نے کئی لوگوں کو ٹارگٹڈ انداز میں قتل کیا ۔
پولیس کے مطابق ملزم کو رواں ماہ کراچی کے ائیر پورٹ سے اس وقت گرفتار کیا گیا جب وہ ملک سے فرار ہونے کی کوشش کررہاتھاجب کہ ملزم سیاسی جماعت کا کارکن بتایا جاتا ہے۔
جس نے تفتیش کےد وران مزید کئی اہم انکشافات کیے جن کو فی الحال ظاہر نہیں کیا جارہا ہےکیونکہ ان معلومات کی بنیاد پر پولیس بڑی کارروائی کا ارادہ رکھتی ہے۔

شہر میں 15 سے زائد ٹارگٹ کلرز کی ٹیموں کا انکشاف جبکہ 35 سے زائد ٹارگٹ کلرز ساﺅتھ افریقہ‘ کینیا اور امریکا فرار ہونے میں کامیاب

کراچی میں رینجرز اور حساس اداروں کے ٹارگیٹڈ آپریشن کے باوجود شہر میں 15 سے زائد ٹارگٹ کلرز کی ٹیموں کا انکشاف جبکہ 35 سے زائد ٹارگٹ کلرز ساﺅتھ افریقہ‘ کینیا اور امریکا فرار ہونے میں کامیاب ہوگئے ہیں‘ مہاجر قومی موومنٹ کے چیئرمین آفاق احمد اور عوامی نیشنل پارٹی سندھ کے صدر شاہی سید ٹارگٹ کلرز کی ہٹ لسٹ میں شامل ہیں‘ کراچی میں موجود ٹارگٹ کلرز کی 5 مختلف ٹیموں نے ڈھائی سال کے دوران 130 سے زائد شہریوں کو قتل کیا‘ ٹارگٹ کلرز کی 10 مختلف ٹیموں کی سربراہی کرنے والے گرفتار ملزم ذاکر حسین عرف حسن عرف آغا حسن عرف عدیل عرف یاسر کی انٹروگیشن رپورٹ میں انکشافات۔ ذرائع کے مطابق 6 روز قبل حساس اداروں کے ہاتھوں بفرزون سے گرفتار ہونے والے ملزم آغا حسن نے انٹروگیشن رپورٹ میں انکشاف کیا ہے کہ اس کے 35 سے زائد ساتھی جن میں قمر ٹیڈی عرف وسیم‘ رشید بابو‘ مرتضی‘ نادر کالا‘ نادر بٹ‘ جاوید عرف بادشاہ‘ ظفر‘ منا‘ ریاست‘ اخلاق‘ جاوید‘ یوسف‘ ارشد‘ راشد منہائی‘ جاوید بادشاہ‘ شاہ صاحب‘ اخلاق‘ جوہانسبرگ ساﺅتھ افریقہ جبکہ حماد جیلانی سمیت دیگر امریکا اور کینیا میں روپوش ہیں۔ ملزم کی انٹروگیشن رپورٹ کے مطابق ملزم ٹارگٹ کلرز کی مختلف ٹیموں کی سربراہی کررہا تھا‘ ان ٹارگٹ کلرز میں عبید کے ٹو‘ فرحان‘ جمیل‘ فیصل خواجہ‘ نعمان عرف نومی‘ زاہد‘ دانش جبکہ دوسری ٹیم میں عبدالرافع‘ اویس کالا‘ تیسری ٹیم میں اعجاز‘ کاشف اور آصف‘ چوتھی ٹیم میں جہانگیر‘ اسد‘ شہزاد‘ رضوان اور آصف‘ پانچویں ٹیم میں رشید عرف سلطان سمیت دیگر ملزمان شامل ہیں۔ ملزم نے انکشاف کیا ہے کہ وہ ریٹائرڈ ڈی ایس پی رحیم بنگش‘ ڈی ایس پی نواز رانجھا‘ انسپکٹر ناصرالحسن‘ اے ایس آئی ساجد‘ اے ایس آئی مرزا‘ اے ایس آئی حاجی ندیم‘ جامع بنوریہ کے شیخ الحدیث مولانا محمد امین سمیت 200 سے زائد افراد کے قتل میں ملوث ہے۔ ملزم نے تفتیش میں بتایا ہے کہ مہاجر قومی موومنٹ کے چیئرمین آفاق احمد اور عوامی نیشنل پارٹی کے صدر شاہی سید کے قتل کرنے کا ہدف بھی انہیں ملا تھا تاہم وہ مکمل نہیں کرسکے۔ ملزم کی انٹروگیشن رپورٹ کے مطابق اس کے ماتحت کام کرنے والی 5 ٹارگٹ کلرز کی ٹیموں نے گزشتہ ڈھائی سال کے دوران 130 سے زائد شہریوں کو ہدف بناکر قتل کیا ہے۔

سینیٹ میں صحافیوں کی خبروں کے ذرائع معلوم کر نیکا بل آج پیش کیا جائیگا

دن رات میڈیا کی آزادی کادم بھرنےوالی اپوزیشن سیاسی جماعتیں آج مل کر سینیٹ میں صحافیوں کے خبروں کے ذرائع معلوم کر نے کا بل پیش کریں گی جس کےبعد سپریم کورٹ کو صحافیوں سے ان کی خبر کا سورس پوچھنے کاحق حاصل ہوجائےگا۔

اس حیرت انگیزبل کو سینیٹ میں پیش کرنےکیلئے مسلم لیگ (ن) اور مسلم لیگ (ّق) سمیت تمام اپوزیشن جماعتیں پیش پیش ہیں۔ قانون کی منظوری کےبعد سپریم کورٹ آف پاکستان کو یہ قانونی حق مل جائے گا کہ وہ کسی بھی صحافی سے اس کی خبرکا ذریعہ پوچھ سکے گی۔ صحافیوں کو بتانا پڑے گا کہ انہیں خبر کس شخص نے فراہم کی۔ بل کے تحت ایک نیشنل جرنلسٹ کونسل تشکیل دی جائے گی جس میں صحافیوں کے نمائندوں کے علاوہ میڈیا مالکان پیمرا، وزارت اطلاعات، وزارت داخلہ کے سیکرٹری بھی شامل ہوں گے۔ بل پر دستخط کرنے والے بیس سینٹروں میں اکثریت کا تعلق مسلم لیگ (ن) اور( ق) سے ہے جن میں نواز لیگ کے سینٹر راجہ ظفرالحق، پرویز رشید ، اسحاق ڈار، مشاہد اللہ خان، ظفر علی شاہ، بیگم نجمہ حمید شامل ہیں۔ جب کہ ق لیگ کے سینیٹر سلیم سیف اللہ خان، ہارون خانِ، نعیم حیسن چھٹہ، گلشن سیعد، جاوید علی شاہ، عبدالغفار قریشی، طارق عظیم شامل ہیں۔ بل لانےوالوں میں حیرت انگیزطورپر پاکستان پیپلز پارٹی کا کوئی رکن یا سینیٹر شامل نہیں ہے۔

منور حسن کی عمران خان سے ملاقات،کامیاب جلسے کی مبارکباد دی

جماعت اسلامی کے امیر منور حسن نے تحریک انصاف کے سربراہ عمران خان سے انکے گھر ملاقات کی۔امیر جماعت اسلامی نے تحریک انصاف کے سربراہ کو مینار پاکستان کامیاب جلسے کی مبارکباد دی۔ دونوں رہنماوٴں کے درمیان ملک کی موجودہ سیاسی حالات پر بھی تفصیلی تبادلہ خیال کیا گیا۔ جماعت اسلامی کے امیر سید منورحسن نے عمران خان کے لیے مستقبل میں نیک تمناوٴں کا اظہار کیا۔ اس موقع پر عمران خان نے سید منورحسن کا شکریہ ادا کیا۔

خوف کے بت کو توڑ کر پاکستان کو بچانے کے لیے ساتھ آئیں۔عمران خان

تحریک انصاف کے سربراہ عمران خان نے کہا ہے کہ ملک میں بہت بڑی تبدیلی آچکی ہے ،اگر نوازشریف اپنے اصل اثاثے ظاہر کردیں تو ان سے اتحاد پر بات ہوسکتی ہے۔عمران خان چین کے تین روزہ دورے پر روانگی سے پہلے لاہور ائیرپورٹ پر میڈیا سے گفتگو کررہے تھے۔ انہوں نے کہا کہ جن جماعتوں نے اپنی باریاں لگائی ہوئی تھیں وہ اب ختم ہوگئی ہیں۔ انکا کہنا تھا کہ انقلاب آنے والا ہے لوگ 1970 کو بھول جائیں گے ،عمران خان کا کہنا تھا کہ انہوں نے حکمرانوں کے اثاثوں کی تفصیلات جمع کرنے کیلیے سیل قائم کردیا ہے۔جب ہم تیار ہوجائیں تب ہم سپریم کورٹ کے پاس بھی جائیں گے الیکشن کمیشن کے پاس بھی جائیں گے اور اسکے بعد ہم انہیں الٹی میٹم دیں گے پھر سارے پاکستان کے شہر جام کردیں گے۔ انہوں نے کہا کہ میں تمام سیاسی جماعتوں کے دیانت دار سیاستدانوں کو دعوت دیتا ہوں کہ خوف کے بت کو توڑ کر پاکستان کو بچانے کے لیے ساتھ آئیں۔

ایسی ان سوئنگ بالنگ کروائیں گے کہ دونوں جماعتوں کی وکٹ اڑ جائے گی ,عمران خان

پاکستان تحریک انصاف کے سربراہ عمران خان نے کہاکہ کہاکہ نیک نیت اور کوشش ہر انسان پر فرض ہے جس کا صلہ اللہ دیتاہے، تبدیلی کےلیے 15 سال محنت کی ہے۔
لاہور کےمینار پاکستان پر منعقید پاکستان بچاؤ جلسے سے خطاب کرتے ہوئے عمران خان نے کہاکہ لاہوری بہت سست ہیں انہیں اٹھانےمیں بہت محنت کرنی پڑتی ہے مگر جب یہ اٹھ جاتی ہےتو کوئی اس کا مقابلہ نہیں کرسکتا۔
انہوں نے پاکستان مسلم لیگ ن اور پیپلز پارٹی کے کارکنان کو جلسے میں خوش آمدید کہتا ہوں،پاکستانیوں کو اٹھانے پر میڈیا کوخراج تحسین پیش دیتا ہوں۔
عمران خان نے کہاکہ قائداعظم اور اقبال تحریک پاکستان کا آغاز لاہور سے کیاجب کہ یہ شہر داتا صاحب کی نگری ہے جو کابل سے آئے تھے۔
جلسے میںموجود تمام کارکنان اور ملازمیں بھی تبدیلی چاہتےہیںآصف زردای او رنواز شریف عوام کے سونامی کو نہیں روک سکیں گے۔
انہوں نے کہاکہ زرداری نے بھٹو کا نام استعمال کرکے ظلم کیاہے،وہ جاگیرداری،بادشاہت،اور طلم کےخلاف تھے انہوں نے روٹی کپڑے اور مکان کا نعرہ دیاجب کہ موجودہ حکومت نے اس کو چھین لیا ہے۔
تحریک انصاف کے سربراہ نے کہاکہ نواز شریف تم زرداری کا مقابلہ کیسے کروں گے تم تو مچھروں کا مقابلہ نہیں کرسکتےہوں جب کہ تمہارا جلسہ پٹواریوں کا تھا۔
انہوں نے کہاکہ اسمبلیاں قبضہ گرپوں کا مرکز بن چکی ہیں اس کو ان سے آزاد کروائیں گے عوام جان لیں پاکستان غریب نہیں بلکہ امیر ہیں ہم معدنیات کے خزانوں پر بیٹھے ہوئے ہیں۔
عمران خان نے کہاکہ کرپشن پاکستان کا سب سے بڑا مسئلہ ہے ہم بدعنوان سیاست دانوں سے ملک کی لوٹی ہوئی دولت واپس لے کرآئیں گے اس کے لیے سب سیاست دانوں کو انصاف کے کٹھرے میں لے کر آئیں گے۔
انہوں نے کہاکہ جلد ہی ایسی ان سوئنگ بالنگ کروائیں گے کہ دونوں جماعتوں کی وکٹ اڑ جائے گی ہم ان کی پارٹنر شپ کو ختم کردیں گے۔
بلوچ بھائیوں کےساتھ ظلم ہوا،ان کےخلاف فوجی آپریشن ہوا دہشت گردی کے خلاف جنگ میں مرنے والے کو ان کا حق دیں گے اب تو تحریک انصاف کے موقف کو سب مانتے ہیں کہ ہم کو امریکی جنگ سے باہر آنا ہوگا۔
انہوں نے کہاکہ امریکیوں کو پیغام دینا چاہتا ہوں کہ ہم پوری دنیا سے تعلقات بہتر کریں مگر کسی کی بھی غلامی نہیں کریں گے،امریکی کی مدد کریں افغانستان سے نکلنے میں لیکن واشنگٹن کےکہنے پر اپنے لوگوں پر آپریشن نہیں کریں گے۔
عمران خان نے امریکا میں موجود پاکستان کے سفیر حسین حقانی پر تنقید کرتے ہوئے کہاکہ اس نے خط لکھ کر اوباما انتظامیہ سے درخواست کی کہ مجھے پاکستان آرمی سے بچاوں کیونکہ میں نے ملک کےخلاف بہت کام کرلیا ہے۔
انہوں نے کہاکہ تحریک انصاف خارجہ امور میں چین سے تعلقات مضبوط کریں گے ان سےمدد لیں گے اس لیے ہی میں آج رات چین کے دورے پر جارہارہوں۔
اتحریک انصاف کے رہنما نے کہاکہ خواتین کو تعلیم مل گئی تو وہ اپنے حقوق کی جدوجہد خود تیز کردیں گی جب کہ شریعیت کے مطابق جائیداد میں سے حقوق دلوائیں گے۔
انہوں نے کہاکہ تحریک انصاف کی حکومت کے بعد دنیا سے لوگ نوکریاں ڈھونڈے پاکستان آئیں گے۔
بھارت کو مخاطب کرتے ہوئےکہاکہ کشمیریوں کےحقوق دینا ہونگےجن کےحقوق کےلیے تحریک انصاف جدوجہد کرے گی جب کہ بھارت کو بتائیں گے کہ فوجی کارروائی کسی بھی مسئلے کا حل نہیں۔
عمران خان کی تقریر کے آغاز اور اختتام پر پاکستان کا قومی ترانہ بجایا گیا۔

کراچی: شوبز ستاروں کے جھرمٹ میں رنگارنگ فیشن شو

شہر قائد میں شوبز کے ستاروں کے جھرمٹ میں جگمگاتی شام کا انعقاد کیا گیا، عروسی ملبوسات میں ماڈلز کی ریمپ پر واک نے تقریب کو چار چاند لگا دیئے۔

کراچی کے مہتہ پیلس میں منعقدہ تقریب میں ڈیزائنرز ذیشان، منیب نواز اور دیپک پروانی کے تخلیق کردہ ملبوسات کی نمائش کی گئی۔ تقریب کی سب سے خاص بات عروسی ملبوسات کی نمائش تھی۔ عروسی ملبوسات پہن کر ماڈلزنے ریمپ واک کی جسے حاضرین دل کھول کر داد دی۔ نمائش میں پیش کئے جانے والے ملبوسات میں شیفون اور بنارسی کپڑوں پرموتیوں سے خوبصورت انداز میں کڑھائی کی گئی تھی۔

ایم کیو ایم ہمارے ساتھ ہے ن لیگ کراچی میں نظر بھی نہیں آئے گی,سراج درانی

پاکستان پیپلز پارٹی کے رہنما اور صوبائی وزیر بلدیات آغا سراج درانی نے کہا ہےکہ شریف برادران کو وہ باتیں نہیں کرنا چاہیں جو انہیں زیب نہیں دیتی کیونکہ میں نے شہباز شریف کی جیل میں حالت دیکھی ہے۔
ایم کیو ایم کے جلسے سے خطاب کرتے ہوئے آغا سراج درانی نے کہا کہ میں ن لیگ میں شامل سندھی بھائیوں سے کہتاہوں کہ واپس آجائیں۔
انہوں نے کہاکہ جب تک ایم کیو ایم ہمارے ساتھ ہے ن لیگ کراچی میں نظر بھی نہیں آئے گی جب کہ میں الطاف بھائی اور متحدہ کا شکرگزار ہوں جنہوں نے صدر پاکستان کی حمایت میں ریلی نکالی۔
وزیر بلدیات نے ریلی سے خطاب کے دوران اعلان کیا کہ متحدہ قومی موومنٹ اور پیپلز پارٹی جلد ہی لاہور میں جلسہ عام منعقد کرے گی جس کی تاریخوں کے بارے میں وہ خاموش رہے۔
انہوں نے کہاکہ شہاز شریف میرے ساتھ جیل میں موجود تھے تو اپنے ساتھ ہونےوالی زیادیتوں کا ذکر کیا کرتے تھے میں نے ایک بار ان سے کہاکہ آپ کی حکومت نے بھی تو پیپلز پارٹی کی اعلیٰ قیادت پر بڑے مظالم ڈھائے ہیں جن کا شاید یہ قدرتی بدلا ہے۔

گو زرداری گو کا نعرہ لگانے والے کے مقابلے میں نو نواز نو کا نعرہ لگاتا ہوں۔

کراچی میں صدر پاکستان آصف علی زرداری کے حق میں نکالی گئی ریلی سے خطاب کرتے ہوئے متحدہ کےقائدالطاف حسین نے کہاکہ گو زرداری گو کا نعرہ لگانے والے کے مقابلے میں نو نواز نو کا نعرہ لگاتا ہوں۔
کراچی میں تبت سینٹر سے مزارقائداعظم تک بڑی تعداد میںموجود ہزاروں کارکنان کی ریلی سے خطاب کرتے ہوئے انہوں نے کہاکہ ہم کاغذی شیروں سے ڈرنے والے نہیں ہیں۔
انہوں نے خطاب کے دوراں کہاکہ لاہور کے جلسے میں صدر کےخلاف نازیبا زبان استعمال کی جس کی وجہ سے ہم عوام اور جمہوریت کی خاطر صدر کے ساتھ ہیں۔
متحدہ کے قائد نے کارکنان سے کہاکہ صدر نے جمہوریت کےلیے 10 سال سے زیادہ عرصہ جیل کاٹی ہے جب کہ شریف برادران 1 سال بھی جیل میں نہیں گزار سکے ہیں۔
انہوں نے مسلم لیگ ن کو مشورہ دیا کہ وہ انتحابات کا انتظار کریں کیونکہ ہم لٹکانے کی بات نہیں کرتے ہیں جو یہ بات کرتے ہیں وہ جدہ بھاگ جاتے ہیں ہم کسی کو بھی آمرانہ ہتھکنڈے استعمال کرنے کی اجازت نہیں۔
الطاف حسین نے کہاکہ حکومتی پالیسوں پر احتجاج و تنقید ادب کے دائرے میں کی جائے جالب کی روج بھی تڑپ جاتی ہوگی جب کوئی کرپٹ حکمران ان کی انقلابی شاعری کو لہک لہک سے پڑتا ہوگا۔
انہوں نے حبیب جالب سے معذرت کرتے ہوئےان کی میں وہی نظم پڑھی ‘میں نہیں مانتا، میں نہیں مانتا’ پیروڈی میں پیش کردیا۔
قائد تحریک الطاف حسین نے کہاکہ قوم کی ماں بہن کی بات کرنے والے پہلے اپنی اور قوم کی بہوں عائشہ احد کو تو انصاف دیں۔
انہوں نے تمام جماعتوں کے رہنماوں سے کہاکہ وہ اپنی ذمہ داریوں کو سمجھیں کیونکہ پاکستان اندرونی و بیرونی مشکلات میں گھیرا ہوا ہے۔
آج کا جلسہ شریف برادران کے خلاف ریفرنڈم ثابت ہوگیا ہےجب کہ جنرل ضیاءچلےگئے مگر ان کو چھوڑ گئے ہیں۔
انہوں نےسندھی زبان میں پیپلز پارٹی کے رہنماوں کا شکریہ ادا کیا۔