مدھو بالا کی آج 43 ویں برسی ہے
February 23, 2012 Leave a comment
ساٹھ کے عشرے کی انتہائی خوب صورت اداکارہ اور ہندی سینما کی لیجنڈ مدھو بالا کو اس جہانی فانی سے رخصت ہوئے 43 برس بیت گئے۔
مدھو بالا نے اپنی فلمی زندگی کا آغاز صرف نو سال کی عمر میں کیا فلم ساز کیدار شرما نے انھیں 1947 میں پہلی بار فلم نیل کمل میں بطور ہیروین کاسٹ کیا۔ مدھو بالا نے یوں تو اپنی زندگی مییں کئی فلموں میں کام کیا لیکن 1957 میں بننے والی فلم مغل اعظم میں انکی سپر اسٹار دلیپ کمار کے ساتھ اداکاری کو بہت پسند کیا گیا۔ اس فلم میں انار کلی کے کردار نے مدھو بالا کو لازوال شہرت بخشی۔ اس فلم کے دوران مدھو بالا فلم کے ہیرو دلیپ کمار کے بہت قریب آ گئیں اور اسی فلم کے دوران دونوں میں عہد وپیمان بھی ہوے تاہم مدھو بالا کے باپ کی مخالفت کے باعث یہ بیل منڈے نہ چڑھ سکی۔ بعدازں مدھو بالا نے اداکار کشور کمار سے شادی کر لی۔ شادی کے بعد مدھو بالا نے یہ کہہ کر فلم سازوں کو مشکل میں ڈال دیا کہ وہ صرف اسی فلم میں کام کرے گی جسکا ہیرو اسکا شوہر ہو گا۔ مدھو بالا صرف 36 برس کی عمر میں 1969 میں اس دنیا سے چل بسیں، تاہم انکی لازوال مسکراہٹ آج بھی انکے کروڑں چاہنے والوں کے دلوں میں زندہ ہے اور رہے گی۔
