کراچی: حب چوکی کے قریب بس اسٹاپ پر دھماکا، متعدد افراد زخمی

کراچی کے علاقے حب چوکی کے قریب زور دار دھماکا ہوا ہے جس میں متعدد افراد زخمی ہوگئے ہیں۔ ذرائع کے مطابق حب چوکی کے قریب بس اسٹاپ پر دھماکا ہوا ہے۔ ذرائع کے مطابق دھماکے میں متعدد افراد زخمی ہوگئے ہیں۔ دھماکے کے مقام پر امدادی ٹیمیں اور پولیس کی نفری روانہ کردی گئی ہے جبکہ غیر مصدقہ اطلاعات کے مطابق دھماکے میں اسپارکو کی بس کو نشانہ بنایا گیا ہے جس میں بس کو بھی نقصان پہنچا ہے۔

ڈھلتی عمر کے باوجود سیف بہترین رومانٹک ہیرو ہیں: دپیکا

بالی وڈ اداکارہ دپیکا پڈکون نے سیف علی خان کو ڈھلتی عمر کا ہیرو قرار دےد یا۔ اداکارہ کا کہنا ہے کہ انھوں نے چار سال کے دوران سیف کے ساتھ تین رومانٹک فلموں میں کام کیا ۔

ان فلموں میں سیف کے ساتھ انکی باڈی لینگویج اور آن اسکرین کیمسٹری کو بہت پسند کیا گیا۔ سیف نے اس تسلسل کو فلم کاک ٹیل میں بھی برقرار رکھا ہے۔ دپیکا نے کہا کہ بڑھتی ہوئی عمر نے سیف پر کوئی اثر نہیں ڈالا۔ انکی چستی اور پھرتی آج بھی قا بل دیدہے۔ کاک ٹیل تیرہ جولائی کو سینماؤں کی زینت بنے گی۔

فیصل آباد: والد قتل کرنیوالی لڑکی کو جیل بھجوادیا گیا

فیصل آباد میں باپ کو قتل کرنے والے پندرہ سالہ لڑکی کو عدالتی حکم پر جیل بجھوا دیا گیا ہے اور ملزمہ نے عدالت کے سامنے بھی اعتراف جرم کر لیا۔

تھانہ بٹالہ کالونی کی پولیس نے ملزمہ علینہ کو مقامی مجسٹریٹ نجیب اللہ خان کی عدالت میں پیش کیا۔ عدالت کے سامنے ملزمہ نے اقرار کیا کہ اس نے ہی اپنے باپ کو فائرنگ کر کے قتل کیا ہے۔ تاہم اس کا کہنا تھا کہ واقعے میں اس کا دوست بشارت ملوث نہیں۔ ملزمہ نے عدالت کو بتایا کہ قتل کے لئے اس نے اپنے باپ کی ہی پستول استعمال کی ہے۔عدالت نے ملزمہ کو چودہ دن کے جوڈیشل ریمانڈ پر جیل بجھوا دیا ہے۔دوسری جانب پولیس نے ملزمہ کے مبینہ دوست بشارت کو بھی گرفتار کر لیا ہے۔

حمزہ شہباز کی شادی رکوانے کے لیے نوٹس جاری

لاہور مقامی عدالت نے حمزہ شہباز کی شادی رکوانے کے لیے عائشہ ملک کی جانب سے دائر درخواست پر نوٹس جاری کرتے ہوئے حمزہ شہباز کو سترہ جولائی کے لیے نوٹس جاری کر دئیے۔

سول جج غلام مرتضی اپل نے عائشہ ملک کی جانب سے دائردعوے کی سماعت کی۔عائشہ ملک کی جانب سے موقف اختیار کیا گیا تھاکہ وہ حمزہ شہباز کی قانونی بیوی ہیں اور انھوں نے ابھی تک حمزہ شہباز کو دوسری شادی کی اجازت نہیں دی نہ ہی اس حوالے سے ان کے پس ثالثی کونسل کا سرٹیفیکیٹ موجود ہے مگر اس کے باوجود وہ ڈاکٹر رابعہ سے دوسری شادی کر رہے ہیں جو غیر قانونی ہے لہذا عدالت شادی روکنے کے احکامات جاری کرے۔

عدالت نے سماعت کے بعد حمزہ شہبازاور ڈاکٹر رابعہ کو سترہ جولائی کے لیے نوٹس جاری کر دیئے۔

حافظ آباد:بیٹوں نے ٹانگیں توڑ کر والد کو گھر سے نکال دیا

حافظ آباد میں مکان پر قبضے کے لیے بیٹوں نے بوڑھے باپ پر تشدد کرکے اس کی ٹانگیں اور ہاتھ کی اُنگلیاں توڑ کر گھر سے نکال دیا۔

نواحی گاوں کولو تارڑ کے رہائشی 70سالہ محمد منشاءکا کہنا ہے کہ وہ مختلف کمپنیوں میں بطور سیکورٹی گارڈ کام کرتا تھا اور عمر بھر کی محنت کے بعد اس نے گاؤں میں ہی ساڑھے انیس مرلے کا گھر بنا رکھا تھا۔ محمد منشا ءنے بتایا کہ اس کے تین بیٹے اس سے مکان ہتھیا نا چاہتے تھے۔ ناکامی پر تینو ں بیٹوں نے اُسے ڈنڈوں اور کلہاڑیوں سے بے دردی سے زخمی کر دیا ۔ایک ماہ گزرنے کے بعد پولیس تھانہ ونیکے تارڑ نے مقد مے کے اندراج کے باوجود کسی ملزم کو گرفتار نہیں کیا ۔

سندھ میں بھی گرج چمک اور تیز آندھی کے بعد شدید بارش

سندھ کے علاقوں سانگھڑ،ٹنڈوآدم،کھپرو اور دیگر علاقوں میں گرج چمک اورتیز آندھی کے بعد شدید بارش کے باعث گرمی کا زور ٹوٹ گیاہے۔ نشیبی علاقوں میں پانی بھر جانے کے باعث شہریوں کو شدید مشکلات کا سامنا ہے جبکہ بارش اور تیز آندھی کے باعث شہر کے بعض مقامات پر چھپرے گرگئے تاہم کسی جانی نقصان اطلا ع نہیں ملی۔

بارش سے سڑکوں پر پھسلن کے باعث موٹر سائیکلیں پھسلنے سے پانچ افراد کے زخمی ہونے کی اطلاعات ہیں جبکہ تیز آندھی کے باعث باغات کو بھی نقصان پہنچا ہے۔

سندھ بھر میں مون سون کی پہلی بارش کاآغاز ہوگیا جس کے باعث صحرا تھر کے علاقوں میں بارش سے خوشی کی لہر دوڑ گئی۔ سندھ کے مختلف اضلاع ، بدین ، حیدرآباد، نوابشاہ، سانگھڑ، کھپرو ، ٹنڈوآدم، شہدا د پور، مٹیاری، نیو سعیدآباد، ہالہ ، میرپورخاص، جھڈو ، کوٹ غلام محمد ، عمرکوٹ ، مٹھی ،صحرا ء تھر سمیت ودیگر علاقوں میں کہیں ہلکی اور کہیں تیز بارش ہوئی جس کے باعث موسم خوشگوار ہوگیا جبکہ مختلف علاقوں میں بجلی کی طویل لوڈشیڈنگ کے باعث علاقہ مکینوں کو شدید مشکلات کا سامنا کرنا پڑا جبکہ سانگھڑ اور میرپورخاص کے اضلاع میں ٹی ایم اے کو الرٹ کرکے چھٹیاں منسوخ کردی گئی ہیں اور کسی بھی ناخوشگوار واقعے سے نمٹنے کیلئے ہدایت جاری کردی گئی ہے۔

اسٹائل ايوارڈ تقريب: مرحوم فنکاروں کو خراج عقیدت پيش کيا گيا

شہر میں لکس اسٹائل ايوارڈ کی رنگا رنگ تقريب میں ٹی وی اور فلمی ستاروں کی شرکت نے کہکشاں سجا دی ۔۔۔۔ اس موقع پر احمد رشدی، مہدی حسن اور معين اختر کو بھی خراج عقیدت پيش کيا گيا ۔۔

گيارہويں لکس اسٹائل ايوارڈ کي خوبصورت تقريب منعقد کي گئي کراچي کے مقامي آڈيٹوريم ميں ۔۔ جس ميں شوبز ستاروں کی جیسے کہشکشاں اُتر آئی ۔۔ تقريب ميں گلوکار احمد رشدی کو خراج تحسين پيش کيا گيا ۔۔ جس پر اداکارہ ميرا،ثنا،فيصل قريشی اور احسن خان نے زبردست پرفارمنس دی۔۔

تقریب میں پاکستاني فلم ۔۔ بول ۔۔ کے حصے میں آئے تين ايوارڈ ۔۔ جبکہ شرمين چنائے کو خصوصی ايوارڈ ملا۔۔

تقريب میں اسی سال جدا ہونے والے ملک کے ليجنڈ گلوکار مہدی حسن، معين اختر ،اور ديگر فنکاروں کو ٹریبيوٹ پيش کيا گيا۔۔

ملتان: بینک ڈکیتی، لاکھوں لوٹ لیے گئے، مزاحمت پر دو سکیورٹی گارڈ قتل

ملتان میں ڈاکوؤں کے ایک ہی گروپ نے دو بینک لوٹ لئےمزاحمت پر دو سیکورٹی گارڈز جاں بحق اور دو شہری زخمی ہو گئے۔

سمیجہ آباد کے علاقے میں واقع نجی بینک میں دو ڈاکو داخل ہوئے اور عملے کو یرغمال بنا لیا ۔سیکیورٹی گارڈز جنید اور بہار خان کی جانب سے مزاحمت پر ڈاکوؤں نے فائرنگ کرکے انہیں قتل کر دیا جبکہ فائرنگ کی زد میں آنے سے بینک میں موجود دو شہری بھی زخمی ہو گئے ۔ ڈاکوبینک سے پینتالیس لاکھ روپے لیکر فرار ہو گئے۔ زخمیوں کو طبی امداد کے لیے نشتر ہسپتال منتقل کیا گیا جبکہ جاں بحق ہونیوالے سیکورٹی گارڈز کی لاشوں کو پولیس نے تحویل میں لے لیا ہے ۔ پولیس حکام کے مطابق ڈاکوؤں نے اس واردات سے آدھ گھنٹہ قبل ٹاٹے پور کے علاقے میں بھی ایک بینک میں تیرہ لاکھ روپے کی ڈکیتی کی تھی۔بینک حکام کی درخواست پر تھانہ نیو ملتان میں مقدمہ درج کر لیا گیا ہے۔

توہین عدالت قانون میں تبدیلی کیخلاف وکلا کا یوم سیاہ

توہين عدالت قانون ميں تبديلي کے خلاف پنجاب کي مختلف بار ایسوسي ايشنز ميں وکلاء نے يوم سياہ منايا لاہور بار بارہ جولائي کو احتجاج کرے گي۔

وفاقي حکومت کي جانب سے توہين عدالت کے قانون ميں تبديلي کے خلاف پنجاب کي مختلف بار اسوسي ايشنز ميں يوم سياہ منايا گيا اس موقع پر بار ایسوسي ايشنز پر سياہ پرچم لہرائے گئے . وکلا رہنماؤں کا کہنا ہے کہ حکومت عدليہ پر قدغن لگانے کي کوشش کررہي ہے جسے کسي صورت برداشت نہيں کيا جائے گا ۔دوسري جانب لاہور ڈسٹرکٹ بار نے بارہ جولائي کو يوم سياہ منانے کا اعلان کرديا ہے ،وکلاء بازروں پر سياہ پٹياں باندھ کر عدالتوں ميں پيش ہوں گے ۔

کراچی کے کئی علاقوں میں غیراعلانیہ لوڈشیڈنگ کا عزاب

کے ای ایس سی نے معمول کی لوڈشیڈنگ کے ساتھ کراچی کے کئی علاقوں میں غیراعلانیہ لوڈشیڈنگ کا عزاب بھی مسلط کردیا ہے

پریشان حال اس حجام کی طرح کئی اورلوگ ہیں جن کا کاروبارغیراعلانیہ لوڈشیڈنگ کی وجہ سے تباہ ہوچکا ہے ۔۔ کراچی میں بجلی کے بحران کی شہریوں کا پرسان حال نہیں ، کراچی کے علاقے بلدیہ ، رنچھوڑلائن ، لانڈھی ، کورنگی ، ملیر، شاہ فیصل ، لیاری اور گلستان جوہرسمیت کئی علاقوں میں بارہ سے چودہ گھنٹے کی لوڈشیڈنگ نے نظام زندگی مفلوج کررکھا ہے ،

گھریلوخواتین کے ای ایس سی انتظامیہ کو دہائیاں دے رہی ہیں ، کہتی ہیں کہ ابھی یہ حال ہے تو رمضان میں بھی لوڈشیڈنگ سے نجات ملنا مشکل نظرآتا ہے ،

کئی کئی گھنٹے لوڈشیڈنگ اوپر سے شدید گرمی ، بجلی کی طویل بندش نے بچوں کا سکون بھی غارت کردیا ہے ،شاید جھولا جھولتے ہوئے ہی اچھی ہوا نصیب ہوجائے ،

کبھی ٹریپنگ کا مسئلہ تو کبھی غیراعلانیہ لوڈ شیڈنگ ، شہریوں کا کہنا ہے کہ اگریہی صورتحال رہی تو رمضان کا بابرکت مہینہ بھی گزارنا مشکل ہوجائے گا