اسامہ بن لادن کی رہائش گاہ کو قبرستان بنانے کا فیصلہ

اسامہ بن لادن کی رہائش گاہ کو قبرستان بنانے کا فیصلہ القاعدہ کے سربراہ اسامہ بن لادن کی ایبٹ آباد کے بلال ٹاؤن میں واقع اراضی پر کینٹ بورڈ کی جانب سے چاردیواری لگا دی گئی، اسامہ اراضی پر کینٹ بورڈ کی جانب سے علاقہ کی عوام کیلئے قبرستان بنانے کا فیصلہ کیا گیا ہے۔

دو مئی دو ہزارگیارہ کو امریکی میرینز کی جانب سے اس کمپاؤنڈ پر فوجی آپریشن کیا گیا تھا جس پر مبینہ طورپر اسامہ بن لادن کو ہلاک کیا گیا تھا.

واقعے کے بعد ایبٹ آباد کمیشن نے اس کمپاؤنڈ کا دورہ کیا اورمختلف زاویوں سے تحقیقات کیں جس کے بعد اس قلعہ نما کمپاؤنڈ کو کمیشن کے حکم پر مسمار کر دیا گیا۔

خیبر پختو نخواہ حکومت نے اسامہ اراضی کی دعویداری کیلئے اشتہار بھی جاری کیا تاہم کوئی دعویدار سامنے نہ آنے کے بعد چار کنال دس مرلہ اراضی صوبائی حکومت کے نام پر منتقل ہو گئی، جہاں صوبائی حکومت نے تفریحی پارک بنانے کا فیصلہ کیا۔

پارک پر تاحال عمل درآمد نہ ہونے کے باعث کینٹ بورڈ انتظامیہ نے اس اراضی کے اطراف چار دیواری لگا کر یہاں علاقہ بلال ٹاؤن، لویر جناح آباد کے عوام کیلئے قبرستان بنانے کا فیصلہ کیا ہے۔

دوسری جانب آئندہ دنوں میں امکان ظاہر کیا جارہا ہے کہ اس اراضی پر کینٹ بورڈ اور ضلعی انتطامیہ کے درمیان تنازعہ بن سکتا ہے، کیونکہ اسامہ بن لادن کی اراضی صوبائی حکومت کی ملکیت ہے جبکہ علاقہ کی حدود کینٹ میں آتی ہے۔

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s