کراچی کے علاقے ماڑی پور سے رحمان بھولا کا قریبی ساتھی غلام علی گرفتار، سانحہ بلدیہ سے متعلق تحقیقات۔

پولیس نے ماڑی پور میں کارروائی کرکے 3 ملزم گرفتار کر لئے۔ گرفتار ہونے والے ملزمان میں رحمان بھولا کا قریبی ساتھی غلام علی عرف گولی بھی شامل ہے۔ ایس ایس پی سٹی کے مطابق، ملزم غلام علی عرف گولی کا تعلق ایم کیو ایم لندن سے ہے۔ ملزم عمر بلوچ اور سبطین کا تعلق ایم کیو ایم حقیقی سے ہے۔

ایس ایس پی سٹی کے مطابق، ملزموں کے قبضے سے ایک رائفل، 2 پستولیں اور سینکڑوں گولیاں برآمد ہوئی ہیں۔ غلام علی عرف گولی سے سانحہ بلدیہ کے حوالے سے تفتیش شروع کر دی گئی ہے۔