%d8%af%d9%88%d8%b3%d8%a7%d9%84-%d9%82%d8%a8%d9%84-%d8%b9%d9%84%db%8c%d8%ad%d8%af%db%81-%db%81%d9%88%d9%86%db%92-%d9%88%d8%a7%d9%84%db%8c-%d8%a8%d8%a7%d9%84%db%8c-%d9%88%d9%88%da%88-%d8%ac%d9%88%da%91بالی ووڈ کی معروف جوڑی ہریتھک روشن اور ان کی اہلیہ پھر سے ساتھ دکھائی دینے لگے۔ دونوں نے دو سال قبل اپنی راہیں الگ کرلی تھیں۔
ہریتھک روشن اور ان کی اہلیہ سوزین خان نے بچوں کے ہمراہ حال ہی میں دبئی میں چھٹیاں گزاریں ۔ دبئی کے ساحل پر لی گئی تصاویر سوزانے خان نے اپنے انسٹا گرام اکاؤنٹ پر شیئر کی ہیں۔ علیحدگی کے باوجود ہریتھک اور سوزین کی دوستی برقرار ہے۔
دبئی میں لی گئی تصاویر میں ہریتھک، ان کی سابقہ اہلیہ، دو بچوں ہری ہان اور ہری دھان اور سوزین خان کے اداکار بھائی زید خان کی اہلیہ کو دیکھا جا سکتا ہے۔ انسٹا گرام پر شیئر کی گئی تصاویر میں 38 سالہ سوزین نے کیپشن دیا ہے کہ ’’ایک بہت خوبصورت دن‘‘۔
اس سے قبل ہریتھک نے دونوں بچوں کے ہمراء کرسمس منائی تھی، اب والدین اکٹھے ہو کر بچوں کے ساتھ دبئی میں چھٹیاں گزار رہے ہیں۔
سال دو ہزار میں فلم ’’کہو نا پیار ہے ‘‘ سے اپنے کیرئیر کا آغاز کرنے والے ہریتھک روشن نے اسی سال اپنی بچپن کی دوست سوزین سے شادی کی تھی جو 14سال بعد ٹوٹ گئی۔ 14 دسمبر 2013 کو علیحدہ علہحدہ جاری کیے گئے بیانات میں دونوں نے اپنی راہیں جدا کر لینے سے متعلق بتایا تھا۔
ہریتھک روشن کا کہنا ہے کہ علیحدہ ہونے کا فیصلہ سوزین کا تھا جبکہ سوزین کا موقف ہے کہ یہ ہم دونوں کی مشترکہ خواہش تھی۔