سوئزرلینڈ میں مسلم طالبات کو مردوں سے الگ سوئمنگ پول دینے کی درخواست مسترد

سوئزرلینڈ نے یورپی عدالت برائے انسانی حقوق (ای ایچ سی آر) میں دائر ایک مقدمہ جیت لیا جس کے بعد اسکولوں اور کالجوں میں مسلمان لڑکیوں کوعلیحدہ سوئمنگ پول میں نہانے کی اجازت نہیں ہوگی اور انہیں اپنے مرد ساتھیوں کے ساتھ ہی تیراکی کی لازمی تربیت لینا ہوگی۔

مسلمان والدین نے پہلے اس رویئے کے خلاف ایک مقدمہ دائر کرتے ہوئے اپنی بیٹیوں کے لیے مخصوص سوئمنگ پول میں تربیت کا مطالبہ کیا تھا۔ یورپین کورٹ آف ہیومن رائٹس کے 7 ججوں نے والدین کی درخواست مسترد کرتے ہوئے کہا ہے کہ اگرچہ اس میں مذہبی آزادی میں مداخلت تو ہوئی ہے لیکن سماجی ہم آہنگی کے مقصد سے اسے جائز قرار دیا جاسکتا ہے۔

اس اقدام کے خلاف سوئزرلینڈ کے رہائشی ترک نژاد سوئس والدین نے اپنی بیٹیوں کو تیراکی کی لازمی کلاسوں میں بھیجنے سے انکار کرتے ہوئے کہا تھا کہ اسلامی احکامات کے تحت ان کے بچے اس میں شامل ہونے سے قاصر ہیں۔ اس کے بعد تعلیمی افسران نے مسلمان والدین کو خبردار کیا کہ اگر بچیوں کو سوئمنگ پول نہ بھیجا گیا تو پاکستانی ایک لاکھ روپے تک جرمانہ ہوسکتا ہے، اس کے باوجود ان کی بچیوں نے سوئمنگ کی لازمی کلاس سے اعتراض کیا اور ان پر پاکستانی ایک لاکھ چالیس ہزار روپے کا جرمانہ کیا گیا۔

والدین نے لڑکوں کے ساتھ مسلمان لڑکیوں کی لازمی سوئمنگ کلاسوں کے خلاف عدالت سے رجوع کیا جس پر سوئٹزر لینڈ کی مقامی عدالت نے ان کی درخواست مسترد کردی اور اس کے بعد والدین نے 2012 میں سوئزرلینڈ کی وفاقی عدالت سے رجوع کیا۔ اس طرح یہ معاملہ یورپی کورٹ آف ہیومن رائٹس میں پہنچا جہاں مسلمان والدین نے مؤقف اختیار کیا کہ اسکول کی جانب سے ان کی مسلمان بیٹیوں کو لڑکوں کے ساتھ سوئمنگ کی لازمی کلاسوں پر زور دینا اور جرمانہ عائد کرنا انسانی حقوق کے یورپی کنوینشن کے آرٹیکل 9 کی خلاف ورزی ہے۔ مسلم والدین کی درخواست کے باوجود ’’ای ایچ سی آر‘‘ نے بھی یہ درخواست مسترد کرتے ہوئے کہا کہ اس میں مذہبی آزادی کی کوئی خلاف ورزی ظاہر نہیں ہوتی۔

سوئس، سویڈش، ہسپانوی، سربین اور سلاووکیا کے ججوں پر مشتمل 7 رکنی بینچ نے درخواست مسترد کرتے ہوئے اپنا فیصلہ سنایا کہ اگرچہ اس قدم سے مذہبی آزادی میں کچھ مداخلت ضرور ہوئی ہے لیکن غیرملکی طالب علموں کو معاشرتی دھارے سے رکھنے سے روکنے میں اس کا ایک اہم کردار ہے اور اسی لیے یہ قدم جائز ہے۔ بینچ کا مؤقف تھا کہ سوئزرلینڈ کو یہ حق حاصل ہے کہ وہ کامیاب سماجی روابط کے لیے کامیاب کوششیں کرتا رہے۔ اس احکام کے بعد سوئزرلینڈ کے مسلمان والدین کو اپنے بچیوں کو مخلوط سوئمنگ پول کلاسوں میں لازمی شریک کرنا ہوگا۔

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s