معین علی کی پی ایس ایل میں شرکت سے معذرت

انگلینڈ کرکٹ ٹیم کے آل راؤنڈر معین علی ذاتی وجوہات کے باعث پاکستان سپر لیگ (پی ایس ایل) کے دوسرے ایڈیشن سے دست بردار ہوگئے ہیں۔

پی ایس ایل کے متبادل کھلاڑیوں کے لیے گزشتہ روز لاہور میں منعقدہ ڈرافٹ میں کوئٹہ گلیڈی ایٹرز نے پاکستانی نژاد انگلش آل راؤنڈر کو ویسٹ انڈین کپتان کارلوس بریتھویٹ کے متبادل کے طورپر حاصل کیا تھا۔

پاکستان کرکٹ بورڈ کی جانب سے جاری اعلامیے کے مطابق معین علی خاندانی مصروفیات کے باعث لیگ سے دست بردار ہوگئے ہیں۔

معین علی مکہ میں عمرہ ادا کریں گے جہاں ان کے اہلخانہ پہلے سے موجود ہیں۔

انہوں نے اپنا پہلا عمرہ 2009 میں ادا کیا اور اگلے ہی سیزن میں ووسٹرشائر کی نمائندگی کرتے ہوئے عمدہ کھیل کا مظاہرہ کیا تھا اور اس کامیابی کی وجہ عمرے کو قرار دیا تھا۔

کوئٹہ گلیڈی ایٹرز نے معین علی کی جگہ آسٹریلیا سے تعلق رکھنے والے تجربہ کار آل راؤنڈر بریڈ ہوج کو شامل کرلیا ہے۔

یاد رہے کہ بریڈ ہوج نے گزشتہ برس پشاورزلمی کی نمائندگی کی تھی اور ٹی ٹوئنٹی کرکٹ میں خاصا تجربہ رکھتے ہیں۔

270 ٹی ٹوئنٹی میچوں کا تجربہ رکھنے والے بریڈ ہوج، کوئٹہ گلیڈی ایٹرز کی ٹیم کے لیے ایک بہترین اضافہ ہوسکتے ہیں۔

دوسری جانب پشاور زلمی کی نمائندگی کرنے والے بنگلہ دیش کے تجربہ کار بلے باز تمیم اقبال اپنی قومی ٹیم کی مصروفیات کے باعث پی ایس ایل کو مکمل نہیں کرپائیں گے۔

تمیم اقبال جیسے ہی بنگلہ دیش ٹیم کی نمائندگی کے لیے چلے جائیں گے تو پشاورزلمی اپنی ٹیم میں انگلینڈ کے آل راؤنڈر سمت پٹیل کو شامل کرے گی۔

واضح رہے کہ عالمی سطح پر ٹیم کے ساتھ مصروفیات، انجریز اور دیگر وجوہات کی بنا پر کم و بیش دس کھلاڑیوں نے پی ایس ایل کے دوسرے ایڈیشن میں شرکت سے معذرت کر لی تھی جس کے باعث ٹیموں کے لیے متبادل کھلاڑیوں کا انتخاب ممکن بنانے کی غرض سے باقاعدہ ڈرافٹ کا انعقاد کرنا پڑا تھا۔

گزشتہ روز ہونے والے ڈرافٹ میں معین علی، رلی روسو اور جیسن رائے جیسے کئی نامور کھلاڑی لیگ کا حصہ بن گئے تھے۔

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s