مقبوضہ کشمیر: بھارتی فوج نے مزید 4 کشمیریوں کو قتل کردیا

مقبوضہ کشمیر بھارتی فوج نے مزید 4 کشمیریوں کو قتل کردیابھارت کے زیر انتظام کشمیر میں بھارتی فوج کا ریاستی جبر جاری ہے اور حالیہ واقعے میں مزید 4 کشمیری جاں بحق ہوگئے۔

کشمیر میڈیا سروس (کے ایم ایس) کی رپورٹ کےمطابق بھارتی فوج نے ضلع بارامولا کے علاقے بونیار میں علاقے کا محاصرہ کیا اور چادر اور چار دیواری کا تقدس پامال کیا۔

بھارتی فوج نے محاصرے کے دوران سرچ آپریشن کرتے ہوئے 4 کشمیری نوجوانوں کو قتل کردیا۔

دوسری جانب بھارتی فوج کے ریاستی جبر کے خلاف حریت قیادت کی کال پر نماز جمعہ کے بعد پر امن احتجاج بھی کیا جائے گا۔

حریت رہنماؤں سید علی گیلانی، میر واعظ عمر فاروق اور یاسین ملک نے علماء پر زور دیا ہے کہ مساجد میں نماز جمعہ کے اجتماعات کے دوران بھارتی فوج کا ظلم و ستم بیان کریں۔

ادھر کشمیری نوجوانوں کے قتل پر سامنے آنے والے ردعمل کے پیش نظر انتظامیہ نے سری نگر میں پابندیاں لگادی ہیں۔

کے ایم ایس کی ایک اور رپورٹ میں بتایا گیا کہ انتظامیہ نے متعدد پولیس اسٹیشنز کی حدود میں پابندیاں لگائی ہیں اور بڑی تعداد میں بھارتی فوج اور پولیس اہلکاروں کو تعینات کردیا ہے۔

انتظامیہ نے طلبہ کے احتجاج سے بچنے کے لیے اسکول اور کالجز بند کرنے کا بھی حکم دے دیا جبکہ کشمیر یونیورسٹی میں تمام کلاسیں بھی منسوخ کردی گئی۔

واضح رہے کہ 2 روز قبل بھی بھارتی فوج نے سری نگر کے علاقے فتح کَدال میں محاصرہ کرکے سرچ آپریشن کے دوران 3 نوجوانوں کو قتل کردیا تھا۔

یاد رہے کہ گزشتہ ماہ کشمیر میں بھارتی فوج کی ریاستی دہشت گردی کے نتیجے میں خاتون سمیت 42 کشمیری جاں بحق ہوئے تھے۔

ستمبر کے مہینے میں بھارتی فوج کی ریاستی دہشت گردی سے ہونے والی ہلاکتوں کے نتیجے میں 5 خواتین بیوہ جبکہ 12 بچے یتیم ہوئے۔

قبل ازیں اگست میں بھارتی فوج کے ظلم و جبر کے نتیجے میں 34 افراد جاں بحق ہوئے تھے۔

کشمیر میں جاری تشدد میں گزشتہ دہائی میں تیزی سے کمی آئی تھی لیکن گزشتہ سال بھارتی فوج کے عسکریت پسندوں کے خلاف آپریشن آل آؤٹ کے نتیجے میں 350 اموات ہوئیں اور وادی میں جاری کشیدگی میں مزید اضافہ ہوگیا۔

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s