دولہا نے شادی سے بچنے کیلیے اپنے اغواء کا ڈرامہ رچادیا

دولہا نے شادی سے بچنے کیلیے اپنے اغواء کا ڈرامہ رچادیاکیا کوئی شخص اپنے آپ کو اغواء کرانے کی از خود منصوبہ بندی کرسکتا ہے؟ یہ بات سننے میں کچھ عجیب سی ہی لگ رہی ہے لیکن جب بات آئے شادی سے بچنے یا پیچھے ہٹنے کی تو کچھ لوگ ایسا بھی کرسکتے ہیں۔

کولمبیا کے ایک شہری نے شادی سے بچنے کے لیے ایسا ہی کیا اور خود کو ہی اغواء کرانے کی منصوبہ بندی کرلی۔

55 سالہ ادھیڑ عمر دولہا کی شادی مقامی لڑکی سے طے کی گئی تھی جس میں اس کے دوست احباب اور رشتہ داروں کو بھی مدعو کیا گیا تھا۔

شادی کے دن قریب آتے ہی دولہا نے اپنے قریبی دوستوں سے کہا کہ اسے یہ شادی نہیں کرنی اور وہ اس شادی کو منسوخ کرنے کا سوچ رہا ہے لیکن اسے یہ سمجھ نہیں آرہا تھا کہ وہ یہ سب کیسے کرے۔

اتنے میں دولہا کے ایک دوست نے اسے اپنے ہی اغواء کا ڈرامہ رچانے کا مشورہ دے دیا جو دولہا کو پسند آیا۔

55 سالہ دولہا کی شادی میں بس چند ہی دن رہ گئے تھے کہ اس کے دوستوں نے ایمرجنسی سروس کو کال کی اور بتایا کہ موٹرسائیکلوں پر سوار مسلح افراد کا ایک گروپ آیا جس نے ان کے ایک دوست (دولہا) کو اغواء کرلیا ۔

کولمبیا میں بھتہ غوری اور اغواء کے واقعات عام ہیں تو حکام نے ان کی شکایت کو انتہائی سنجیدگی سے لیا اور پورے علاقے کی پولیس کے ساتھ ساتھ اس معاملے میں فوج کو بھی متحرک کردیا۔

کولمبیا کی پیٹالیٹو پولیس کمانڈر نے سڑکوں کو بند کرنے اور مغوی کی بازیابی کے لیے گلی گلی آپریشن کا حکم دے دیا لیکن کوئی بھی شخص یہ بات سوچ بھی نہیں سکتا تھا کہ جن لوگوں نے جرم کی اطلاع دی وہ ہی جھوٹ بول رہے ہیں۔

دولہے کے دوستوں نے جب دیکھا کہ شہر کی تمام پولیس اور فوج ان کے دوست کو ڈھونڈ رہی ہے تو انہوں نے پولیس کو بتایا کہ انہوں نے اپنے دوست کو شادی سے بچانے کے لیے یہ منصوبہ بنا کر جھوٹ بولا تھا۔

حکام کا کہنا تھا کہ ہم نے اس شخص کی شناخت کو خفیہ ہی رکھا کیونکہ شناخت ظاہر کرنے سے اس کی جان کو خطرہ ہوتا جب کہ اس سے قبل بھی اس شخص نے شادی سے چند روز قبل ہی ایک عورت کو چھوڑ دیا تھا اور شادی سے انکار کردیا تھا۔

پولیس کے مطابق 55 سالہ شخص پر اغواء ہونے کا جعلی منصوبہ بنانے اور اس کے دوستوں پر بھی جھوٹ اور دھوکہ دہی کے تحت مقدمہ درج کیا جائے گا جس پر انہیں 6 سال قید بھگتنا پڑے گی۔

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s